Култура
Македонија не влезе во финалето на Евросонг
Македонскиот претставник Васил Гарванлиев не се пласираше во финалето на годинашниот Евросонг, што се одржува во Ротердам, Холандија.
Тој вечерва настапи шести и ја испеа песната Here I Stand, која ја напиша самиот.
Од 16. земји учеснички кои пееја во првото полуфинале, десет влегоа во финалето: Норвешка, Израел, Русија, Азербејџан, Малта, Литванија, Кипар, Шведска, Белгија, Украина. Тие заедно со уште десет земји од второто полуфинале, земјата домаќин Холандија и членките на големата петорка: Италија, Франција, Германија, Шпанија и Велика Британија, ќе настапат во финалето што ќе се одржи во сабота, на 22 мај во „Ахој“ арената.
Второто полуфинале ќе се одржи на 20 мај (четврток) од 21 часот.
