СЛУШАЈТЕ ВО ЖИВО

Култура

МОН ги повикува средните стручни училишта и компаниите да се пријават за грантови на Германската развојна банка

На средните стручни училишта и компаниите им стануваат достапни финансиски средства за опремување н работилници и лаборатории неопходни за реализирање практична настава и дуално образование преку Регионалниот фонд за предизвици.

Фондот функционира со овластување од Германското сојузно министерство за економска соработка и развој и е поддржан од Германската развојна банка (KfW)Има цел да ја зајакне важноста на пазарот на трудот во однос на стручното образование и обука преку инвестиции во опрема и инфраструктура за субјектите кои обезбедуваат обука и кои учествуваат во заеднички активности за обука со партнерските претпријатија. 

Како што соопшти МОН, на вебинар организиран од Регионалниот фонд за предизвици, кој дејствува во рамки на Инвестицискиот форум на коморите од Западен Балканбеше промовиран првиот повик за изразување интерес за финансирање проекти за соработка поврзани со стручно образование и обуки.  

 

Министерката  Мила Царовска очекува ова да даде нов поттик за нивна поинтензивна соработка, со цел квалитетно стручно образование на учениците. Во обраќање на вебинарот таа нагласи дека Регионалниот фонд ќе внесе нова динамика затоа што влезот на финансиски средства и можноста да бидат поддржани идеите на училиштата и компаниите  ќе ја поттикне соработката меѓу нив и ќе се види дека бенефит од овој процес имаат и компаниите и училиштата, а резултатот се остручени ученици.  

Средставата ќе може да се употребат за реализација на проекти поврзани со набавка на опрема, обуки на ментори и се друго што е потребно за квалитетно реализирање образовни програми во стручните училишта. Финансиската поддршка ќе овозможи повеќе компании да се вклучат во практичната обука и дуалното образование, наведува МОН во соопштението.  

Под слоганот „Учи паметно, работи стручно“, Министерството за образование и наука веќе реализира консултации со компаниите, стопанските комори и локалните самоуправи за потребата од отворање нови профили и паралелки во средните стручни училишта низ државата од идната учебна година.

Во истражување направено од МОН и Стопанската комора, 85 проценти од 450 компании од цела држава кои учествувале во анализата,  изразиле подготвеност да соработуваат со средните стручни училишта и да примаат ученици на практична наставаЦаровска на вебинарот информираше дека во тек е процес на врзување на компонентите, училиште со компанија, со цел успешно реализирање на стручното образование. Следниот предизвик, додаде министерката, ќе биде стипендирањето на учениците со цел да се поттикнат да се запишат во овие училишта.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Messenger icon
Пишете нѝ на Фејсбук!
error: Содржината е заштитена !!
Skip to content