Земјоделие

Привршува бербата на грозје во Тиквешко

Привршува бербата на грозје во Тиквешко како најголем лозаровинарски регион, претседателот на Здружението „Напредни лозари”, Трајче Кулев попладнево изрази задоволство што, како што нагласи, државата годинава помогна со дополнителни субвенции и се надминаа проблемите околу откупот на вишокот грозје.

Во услови на пандемија од вирусот Ковид-19 и штети од климатските промени врз квалитетот на грозјето, задоволен сум што издејствувавме дополнителни државни мерки со кои се постигнаа повисоки цени од тие што првично ги нудеа винариите, но и откуп на грозјето со полош квалитет за преработка во дестилат, рече Кулев.

Тој изрази благодарност до Владата и Министерството за земјоделство, шумарство и водостопанство, затоа што, како што додаде, во рамките на своите можности, ја ублажија катастрофалната година за лозарството. Се заблагодари и на кавадаречкиот градоначалник Митко Јанчев и одделни винарии кои исто така помогнале при откупот на годинешниот род на лозјата.

Останува во наредниот период, многу понавремено да седнеме заедно претставниците на лозарите и винарите и да донесеме една стратегија за понатамошна соработка во интерес на сите. Очекувам уште при крајот на годината да почнат преговорите и да се изнајде решение за наредната реколта, дециден беше Кулев.

Тагови
Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани теми

Напишете коментар

Вашата адреса за е-пошта нема да биде објавена. Задолжителните полиња се означени со *

error: Содржината е заштитена !!
Skip to content