Протестираат работниците од Македонски шуми, не добиле две плати, немаат здравствено осигурување
Триесет подружници од цела Македонија се собраа пред дирекцијата на Македонски шуми за да го изразат своето незадоволство бидејќи втор месец немат земено плата, а не им се исплаќа и тренскиот додаток.
– Во меѓувреме, во претпријатието имаме и штрајк, луѓето се на своите работни места, но не ги извршуваат работните задачи, затоа што се гневни на менаџментот, на раководителите и на претставниците на власта кои земаат по 80 проценти зголемени плати, додека тие втор месец не замаат плата, а веќе третиот месец тече. Дури и денес да има исплата на една плата, повторно ќе немаат здравствено осигурување. Праќаме апел да не се поигруваат со судбината на 1.800 вработени, кои и така земаат мизерни плати. Овде има вработени што работат под надворешни влијанија и работа со висок степен на ризик – рече Иван Пешевски, претседател на Синдикатот на индустрија, градежништво и проектирање при ССМ.
Тој појасни дека еден шумарски инженер има основна плата, без додатоци, околу 25.000 или 26.0000 денари.
Пешевски рече дека во јавниот сектор има големо нездоволство и посебно ги акцентираше Паркови и зеленило, Комунална хигиена, Водовод, Водостопанство, Македонски пошти и сњекторот култура.
– Овие протести планираме да ги радикализаираме и да бидат пред Влада, а да ги заокружиме на 1 Мај, а верувајте дека ќе бидеат се побројни и погласни – потенцираше Пешевски.
Тој повика да нема партиски вработувања и да има добро менаџирање, при што потсети дека во Македонски шуми пред два месеци биле примени 355 вработени, а сега за никого нема плата.
