СЛУШАЈТЕ ВО ЖИВО

Политика

Од полноќ стапува на сила скратен полициски час

Од полноќ стапува на сила скратениот полициски час кој ќе трае до 4 часот наутро. Олабавување на рестриктивните мерки ќе следи од 18 мај, одлучи во вторникот владата.

Според одлуката, работното време на угостителските објекти се продолжува до 23:30 часот, но тие и понатаму ќе бидат отворени само на летните тераси, а исклучок од ова ограничување се угостителските објекти на Меѓународниот аеродром Скопје и Аеродромот „Св.Апостол Павле“ во Охрид, како и делот за исхрана во хотелите, мотелите, хостелите и пансионите за лицата кои се сместени во овие објекти.

Инаку од вчера започнаа со работа и вежбалниците, фитнес клубовите, спортските центри, салите за вежбање и игротеките, но во овие објекти е задолжително почитување на протоколите за работа.

 

Владата во вторникот донесе одлука да се дозволи и организирање на инвент настани, со пропишаните протоколи, односно до 30 проценти исполнетост на капацитетите во внатрешноста на објектите и до 50 проценти исполнетост на отворен простор.

Спортските настани и понатаму ќе се организираат без публика.

Како дел од олабавувањето на мерките е и укинувањето на забраната за користење на годишни одмори за здравствените работници и зголемувањето на бројот на деца во градинките.

Поради намалениот број на пациенти од Ковид-19 од вчера како што информираше и министерството за здравство се затворени ковид центрите во неколку клиники во Скопје и дел од капацитетите за ковид пациенти во болниците во другите градови.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Skip to content