СЛУШАЈТЕ ВО ЖИВО

Економија

Над една третина од потрошувачите во Македонија користат паметни телефони за плаќање

Над една третина од потрошувачите во земјава ги користат паметните телефони за плаќање и извршување трансакции, а 61 процент се заинтересирани да ја користат оваа опција за плаќање во иднина, покажува регионалното истражување спроведено од „Visa“.

Резултатите од истражувањето укажуваат дека една четвртина од испитаниците започнале да ги користат паметните телефони за плаќање за време на пандемијата.

 

Од вкупниот број анкетирани, 84 проценти навеле дека нивното лично искуство со различни начини на плаќање е клучен двигател за нивниот избор на начин на плаќање. Како придобивки од плаќањето преку мобилен телефон ги навеле практичноста (56 проценти), без ризик за губење на паричникот (47 проценти) и брзината (41 процент).

Половина од испитаниците веруваат дека користењето паметен телефон како начин на плаќање е безбедно, а скоро третина од потрошувачите изјавиле дека недостатокот на прифаќање на технологијата е неповолна положба, што укажува на ограничен број места каде што се можни такви плаќања.

На прашањето да ги наведат сите добра и услуги за кои испитаниците се подготвени да платат со своите паметни телефони, на врвот на списокот се месечните сметки по што следуваат услугите за паркирање. На трето место се плаќањата во продавници, кафулиња и ресторани, потоа билетите за театар, кино и јавен превоз. Следни се нарачката на храна и туристичките аранжмани за патувања и мебелот. Една третина од испитаниците во истражувањето би користеле мобилно плаќање при купување на автомобил.

Генералниот менаџер на Visa за Југоисточна Европа, Владимир Ѓорѓевиќ, верува дека мобилните плаќања наскоро ќе станат дел од секојдневието во Југоисточна Европа.

За прифаќање на новите технолошки решенија е потребно време, но мобилните плаќања треба да се гледаат како нова форма што ќе овозможува технолошкиот развој слично како и безконтактните картички на почетокот кога беа воведени. Со оглед на запознаеноста и употребата на безконтактна технологија во сите земји од регионот, сметаме дека прифаќањето на мобилни плаќања може да дојде со уште поголема брзина, вели Ѓорѓевиќ.

Во регионот во однос на ова плаќање, добри резултати бележат Црна Гора, Србија и Босна и Херцеговина каде околу една четвртина од корисниците преферираат да плаќат со своите паметни телефони. Во Албанија, само 10 проценти ја користат оваа опција за плаќање.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Messenger icon
Пишете нѝ на Фејсбук!
error: Содржината е заштитена !!
Skip to content