СЛУШАЈТЕ ВО ЖИВО

Локално

Одржана 50-тата седница на општинскиот Совет

Советот на општина Прилеп денеска ја одржа својата 50-та седница. На седницата која беше одржана преку видео-конференциска врска, советниците расправаа за повеќе точки кои што се од интерес на граѓаните.

Советниците ги усвоија Програмата за работа и финансискиот план за 2021 година на ЈКП „Пазари“, а дадоа согласност и за финансискиот план и измените на годишниот план за вработување во 2021 година на ЈОУ Дом за стари лица „Киро Крстески-Платник“.

Исто така, усвоена беше и Одлуката за давање согласност на тримесечниот извештај за финансиското работење на ЈП за ПУП-Прилеп, за период од 01.07.2020 година до 30.09.2020 година.

 

На денешната седница, членовите на општинскиот Совет ги изгласаа и заклучоците за усвојување на Збирниот извештај за проценетата штета на подрачјето на општина Прилеп од невремето во деновите 17, 19 и 25 август 2020 година. Покрај земјоделски површини во градот, со невремето беа зафатени и
повеќе населени места во општината, меѓу кои и Ерековци, Канатларци, Мажучиште, Селце, Присад и др. Со невремето беа погодени земјоделски култури на површина 284 хектари, а вкупната проценета штета изнесува 45.308.000 денари.

„Зелено светло“ доби и Одлуката за ослободување од плаќање надоместок за уредување на градежно земјиште, за изградба на училишна спортска сала во ООУ „Кире Гаврилоски“.

Советниците ги изгласаа и Решенијата за измена и дополнување на Решението за формирање на комисиите за општествени дејности и правата на децата, за одбележување празници и манифестации и доделување награди и признанија, како и комисијата за родова еднаквост, а едногласно беа изгласани и
дополнувањата на Деловникот за работа на Советот на општина Прилеп. На седницата беа усвоени повеќе барања на граѓаните од општина Прилеп, за легализација на бесправно изградени објекти.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Messenger icon
Пишете нѝ на Фејсбук!
error: Содржината е заштитена !!
Skip to content