СЛУШАЈТЕ ВО ЖИВО

Земјоделие

Денес блокиран патниот правец Прилеп-Градско

Со блокирање на патниот правец Прилеп-Градско земјоделците ги искажаа своите барања до Владата. Земјоделците од Пелагонија, Радовишко и Тиквешијата, протестираа цели 2 часа со блокада на регионалниот пат Прилеп – Градско. Како што истакнуваат ова е предупредувачки протест, а доколку нивните барања не бидат испочитувани од надлежните ќе следи и генерален земјоделски штрајк. Исто така бараат надлежните институции да остварат средби со претставници од земјоделските здруженија, се со цел за да ги слушнат нивните предлози и конкретни барања.

Бараат надлежните да остварат средби со претставници од земјоделските здруженија, да ги слушнат нивните предлози и барања:

  1. Мерката ЗЕЛЕНА НАФТА да важи за сите земјоделски гранки и да биде 100% ослободена од акциза и ДДВ, како и промена на досегашната методологија со нова во која исплатата ќе биде во литар по единица површина.
    Важноста на мерката да почне веднаш.
  2. Итно процентуално зголемување на субвенциите во сите земјоделски гранки со процентуалното зголемување на трошоците за живот и процентуалното зголемување на минималната плата и нивна исплата пред почетокот на секоја производна сезона.
  3. Субвенционирање на вештачките ѓубрива во сите земјоделски гранки и укинување на ДДВ за сите вештачки ѓубрива и хемиски препарати кои се користат во земјоделството.
  4. Субвенционирање на придонесите на сите регистрирани земјоделци во државата.
  5. Ослободување од концесија на државно земјиште, пашарина, наводнување и одводнување за 2022 година.
  6. Изготвување на анализи за производна цена на секој земјоделски производ како и гаранција од државата за минимална заработка на производителите од најмалку 30% од производната цена на производите како и гарантирање на исплатата од страна на трговците (банкарска гаранција)
  7. Покрај традиционалните, ИТНО изнаоѓање на алтернативни пазари за сите земјоделски култури.
Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Skip to content