Уште една донација за Прилепската болница – „џебен“ ултразвучен апарат од Сојузот на тутунарите

Прилепската болница на иницијатива на пензионираниот доктор Златко Савоски доби донација – ултразвучен апарат од Сојузот на тутунарите кој ќе се користи на интерното одделение, првенствено во Центарот за дијабет, како и во другите одделенија кај хоспитализирани пациенти без да бидат транспортирани за дијагностика со ултразвук.

Ова е прв ваков апарат во прилепската болница, наречен „џебен“ или ултразвучен апарат за на лице место.

– Сакаме да им се заблагодариме за донацијата на ултразвучен апарат кој ќе се користи на интерното одделение по иницијатива на пензионираниот доктор Златко Савоски и во соработка со другите доктори се случи оваа донација. Ние сме многу благодарни што на Сојузот на тутунарите што ни излегоа во пресрет за оваа донација која ќе ја користат докторите од интерно одделение.

Ние сме благодарни на сите донатори, а исто така купуваме и со сопствени средства се’ со цел за болницата и пациентите од Прилеп и поширокиот регион да бидат услужени со квалитетна здравствена заштита, посочи Кире Јоноски д-р Кире Јоноски, ортопед, трауматолог, директор на ЈЗУ Општа болница „Борка Талески“ Прилеп.

Повеќе на РадиопелаМК.