Проданоски: Прилеп со гордост го негува своето културно наследство
Градоначалникот на Општина Прилеп, Дејан Проданоски, денес присуствуваше на отворањето на изложбата „Врбјанска Чука: зрно по зрно, погача“ во НУ Завод и Музеј – Прилеп.
Изложбата претставува резултат на долгогодишната соработка помеѓу НУ Завод и Музеј – Прилеп и Центарот за истражување на предисторијата, со цел проучување на неолитскиот локалитет Врбјанска Чука во Пелагонија. Посетителите имаат можност да се вратат 8.000 години наназад и да го запознаат секојдневието и духовниот живот на жителите од тоа време.
Проданоски, исто така, присуствуваше и на традиционалниот годишен концерт на Октет Прилеп во НУЦК „Марко Цепенков“, на кој ансамблот уште еднаш ја покажа својата посветеност кон негувањето на македонската песна и традиција.
„Искрени честитки до организаторите и учесниците на двата настани за нивниот придонес во збогатувањето на културниот живот на нашиот град. Прилеп со право може да се гордее со своето културно наследство и уметнички потенцијал,“ изјави Проданоски.
