СЛУШАЈТЕ ВО ЖИВО

Култура

Децата и младите во фокусот на Деновите на медиумска писменост

Под мотото „Виртуелно или реално – правилата се исти! Да бидеме медиумски писмени“, од денес (22 ноември) до 29 ноември ќе се одржуваат Денови на медиумска писменост, кои годинава се посветени на децата и младите.

Во текот на претстојнава недела ќе се одржат низа настани, конференции, дебати, работилници, предавања и сл., кои ќе бидат организирани од Агенцијата за аудио и аудиовизуелни медиумски услуги и Мрежата за медиумска писменост.

„Тематската поставеност на овие Денови произлегува од најновиот развој на полето на медиумската писменост во земјава – официјалното влегување на медиумската писменост во програмите за основното образование, како пристап во предавањето, за што секако придонесоа сите досегашни заеднички напори за унапредување на медиумската писменост кај граѓаните од сите генерации“, истакна директорот на Агенцијата, Зоран Трајчевски.

Во рамки на манифестацијата, Мрежата што е составена од повеќе организации и институции по трет пат се приклучува кон одбележувањето на десеттата Глобална недела на медиумска и информациска писменост на УНЕСКО, при што се предвидени низа настани посветени на градењето и развојот на критичката свесност кај децата и младите, но и кај други целни групи кои се директно или индиректно поврзани со нив.

Радио МОФ и МОФ ќе се приклучат со видео-дискусија „На Час“, која ќе се емитува онлајн на 24 ноември од 13 часот. Исто така, на 27 ноември ќе се случува и отворено предавање за млади – новинарски клуб.

Сите информации поврзани со активностите и настаните за текот на Деновите, ќе бидат споделувани преку каналите за комуникација на Мрежата на ТвитерИнстаграмФејсбук и на веб страницата www.mediumskapismenost.mk.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Messenger icon
Пишете нѝ на Фејсбук!
error: Содржината е заштитена !!
Skip to content