СЛУШАЈТЕ ВО ЖИВО

Политика

Неформална средба на лидерите од ЕУ

Лидерите на Европската унија се собраа на неформален самит, првпат по повлекувањето на западните војски од Авганистан и откажувањето на договорот за подморници вреден милијарди долари меѓу Австралија и Франција, како резултат на склучен троен пакт меѓу САД Австралија и Велика Британија.

Според лидерите на ЕУ, овие настани ја покажуваат потребата за поголема независност на Европа во областа на одбраната, јавија западни медиуми

На вчерашната вечера шефовите на држави или влади на ЕУ, исто така, разговараа за затегнатите односи со Кина и зголемувањето на цените на природниот гас.

Разговорите се фокусираа на улогата на ЕУ на меѓународната сцена во светло на неодамнешните геополитички случувања, вклучително и ситуацијата во Авганистан и договорот за подморници.
„Откако научивме лекции од неодамнешните кризи, ние сме решени да ги зајакнеме нашите сили и да ја зголемиме нашата издржливост со намалување на нашите критични зависности“, рече претседателот на Европскиот совет Шарл Мишел по средбата.

– За да стане поефикасна и посигурна на меѓународната сцена, ЕУ треба да ја зголеми способноста да дејствува самостојно, рече тој.

Мишел, исто така, се залага за поголема стратешка автономија преку партнерство ЕУ-НАТО.

– НАТО е стожер на безбедноста на која се потпираме, но во исто време гледаме, дека треба да можеме да дејствуваме понезависно за да ги направиме нашите сојузи посилни, рече тој. – Силните сојузници прават силни сојузи, рече Мишел.

На тема Кина, претседателот на Европскиот совет рече дека Унијата ќе ги брани своите интереси во односите со Кина, која ја смета за „конкурент, партнер и системски ривал“.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Messenger icon
Пишете нѝ на Фејсбук!
error: Содржината е заштитена !!
Skip to content