Мицкоски до пратениците на СДСМ: Не ви пречеше Стоилковиќ кога го молевте да гласа за промена на името

„Е, оваа влада има поинаков став за сите тие прашања затоа што има карактер и затоа што е навистина горда и достоинствена. Не ви пречеше кога трчавте по Скопје и по Куманово да го молите, да коленичите пред Иван Стоилковиќ да гласа за промена на името? И знам дека ве одби човекот затоа што има карактер, има достоинство. И сега се обидувате, би рекол, во политички деминутив да му се обраќате на него и на владата што ја предводам“, рече Мицкоски.

Стоилковиќ синоќа на собраниската седница беше изгласан за нов министер за локална самоуправа во реконструираната влада на местото на Златко Перински. Стоилковиќ досега раководеше со министерството за односи меѓу заедниците.

Сите 8 нови министри беа избрани со 69 гласа „за“, без ниту еден воздржан и против.