АХВ спречи увоз на над 10 тони јагнешка кожа поради ризик од чума

На граничниот премин Ќафасан, официјалните ветеринари од Агенцијата за храна и ветеринарство (АХВ) навремено спречија потенцијален здравствен ризик, одбивајќи пратка од над 10 тони јагнешка кожа од Република Албанија, која требаше да транзитира низ Македонија.

Одлуката дојде како дел од засилените превентивни мерки за заштита од чумата кај мали преживари, болест што е присутна во соседната држава. Пратката веднаш беше вратена на испраќачот, со што се спречи можно ширење на заразата.

„Со оваа акција, АХВ повторно ја потврдува својата улога како стражар на јавното здравје и безбедноста на храната, како и како клучен чувар на домашното земјоделско производство“, велат од агенцијата, истакнувајќи го професионализмот и брзината на реакција на нивниот тим.