Мицкоски: Самитот на ЕПП е одлична можност за продлабочување на партнерствата

„Денес имав чест да присуствувам на самитот на ЕПП, каде што заедно со истакнати лидери и претставници од Европа се дискутираа клучни прашања за иднината на нашиот континент. Размената на идеи, искуства и визии беше од особено значење, а атмосферата беше исполнета со енергија, соработка и заедничка посветеност кон европските вредности. Овој самит претставуваше одлична можност за продлабочување на партнерствата и за зајакнување на улогата на нашата земја во европските процеси. Убеден сум дека ваквите средби придонесуваат за подобра иднина и посилна Европа за сите нас“, објави Мицкоски на својот фејсбук-профил.

Мицкоски со партиска делегација од ВМРО-ДПМНЕ вчера присуствуваше на свеченоста по повод 50-годишнината од формирањето на ЕПП.

Претходно се сретна со својот хрватски колега Андреј Пленковиќ.

Како што најави ВМРО-ДПМНЕ, посетата на Мицкоски на Брисел ќе биде искористена за билатерални средби со присутните претседатели, премиери и лидери од семејството на Европската народна партија.