Во Белград се отвора КИЦ на Македонија

Во Белград вечерва свечено ќе биде отворен Македонскиот културно-информативен центар, со присуство на македонскиот и српскиот министер за култура, Зоран Љутков и Никола Селаковиќ.

Во музичкиот дел од програмата, насловена како „Ајде, слушај, слушај…” ќе настапи Зарина Првасевда, а специјален гостин во програмата ќе биде Васил Хаџиманов.

Во ликовниот дел од програмата ќе може да се види ретроспективна изложба на 25 ликовни уметници од Друштвото на ликовни уметници Македонци во Србија (ДЛУМС).

На свеченоста ќе се дегустира македонско вино, од гевгелиското поднебје.

Ќе се обратат директорот на нашиот КИЦ во Белград Васко Шутаров, амбасадорот во Србија Никола Тупанчески, српскиот министер за култура Никола Селаковиќ, македонскиот министер за култура и туризам Зоран Љутков и потпретседателот на македонската влада Иван Стоилковиќ.