Деребан: Правдата не завршува со пресудата – таа се остварува кога одлуката ќе биде спроведена!
На свечената академија по повод дваесет години од основањето на Комората на извршители на Република Македонија, заменик министерот за правда Ален Деребан истакна дека извршувањето е еден од клучните столбови на правната сигурност и владеењето на правото.
-Во изминатите две децении, извршителите се етаблираа како важен дел од правосудниот систем, придонесувајќи за поефикасна заштита на правата на граѓаните и правните субјекти. Честитки за големиот јубилеј до сите членови на Комората на извршители. Нека овие дваесет години бидат повод за гордост и признание за досегашната работа, а истовремено и поттик за нови успеси во служба на правдата, професионалноста и јавниот интерес, посочува Деребан.
Министерството за правда и понатаму ќе остане посветен партнер во унапредувањето на законската рамка и јакнењето на системот на извршување, со цел да обезбедиме современа јавна служба која ефикасно ги штити правата и интересите на сите граѓани.