Бесплатен Wi-Fi во Штип: Интернет достапен во Паркот К’ртеќе и Дино Паркот

Штип добива нов дигитален чекор напред со воведување бесплатен јавен Wi-Fi на две од своите најпосетени локации: Парк К’ртеќе и Дино Парк, каде од сега граѓаните и посетителите ќе имаат слободен пристап до интернет.

Новата мрежа е поставена како дел од иницијативата WiFi4WB, проект поддржан со средства од Европската Унија и Владата на Сојузна Република Германија, а неговата реализација се спроведува преку GIZ, во рамки на пошироката програма EU4Digital.

Со ова решение, јавните простори во Штип добиваат дополнителна вредност, посетителите ќе можат полесно да останат поврзани, да пристапуваат до информации во реално време и без ограничувања да комуницираат додека се движат низ градот. Истовремено, локалното население добива поедноставен пристап до дигитални услуги токму таму каде што најчесто го поминува слободното време.

Од Општина Штип посочуваат дека овој проект претставува само еден сегмент од пошироката стратегија за дигитална трансформација и унапредување на јавната инфраструктура, со цел модернизација и приближување на градот кон современите европски дигитални стандарди.

…