Лажна е дојавата за поставени бомби во „Сити мол“

На електронска адреса на Министерството за внатрешни работи денеска е добиена порака со закана дека во трговскиот центар „City Mall“ во Скопје се поставени експлозивни направи.

-Веднаш по добиената пријава преземени се соодветни мерки и активности од страна на полициски службеници во внатрешноста и околу објектот, при што е утврдено дека станува збор за лажна дојава за поставени бомби, информира МВР.

Трговскиот центар по примената дојава беше евакуиран до целосно завршување на полициските проверки.