ВО 02:15 ЧАСОТ: Вечерва собир пред „Пулс“, нека тишината зборува за љубовта што останува

„Здружението на граѓани 16ти Март 2025“ објави дека вечерва ќе се соберат пред дискотеката „Пулс“ во Кочани каде пред една година во пожар животот го загубија 63 лица, а околу 200 беа повредени.

Собирот ќе се одржи во 02:15 часот.

– Да застанеме заедно во тишина за нашите 63 ангели. Во 02:32 часот, моментот што засекогаш го промени Кочани, ќе оддадеме почит со минута молк. Нека светлината сведочи дека не забораваме. Нека тишината зборува за љубовта што останува, стои во објавата на Здружението.