Во Собранието ќе заседаваат две комисии
Во Собранието денеска ќе заседаваат две комисии – Комисијата за финансирање и буџет и Законодавно-правната комисија.
На дневен ред на двете собраниски комисии се две исти точки – Предлог на законот за даночно ослободување со цел реализирање на одлуката за склучување анекс на договорот за концесија за промена на намената на дел од средствата, по скратена постапка, и Предлог-програмата за дополнување на Среднорочната програма за формирање, чување, обновување и користење на стоковните резерви за период 2021-2025 година.