Претреси на повеќе локации поради сомнеж за организиран криминал во Лотарија

Полициски екипи утринава вршат претреси на повеќе локации поради сомнеж за сторен организиран криминал во Лотарија. Според информации до кои дојде Курир, претрес е извршен и во домот на поранешниот прв вицепремиер Артан Груби, но како што е познато тој не е пронајден.

Наводно се трага и по екс директорот на Лотарија, Прпарим Бајрами за кој постои сомнеж дека пред неколку месеци избегал во Косово.

При извршените претреси, неофицијално пронајдена е поголема сума на пари.

Артан Груби, од пред само два дена „поранешен“ висок функционер на ДУИ се наоѓа на Косово.

По медиумските објави дека човекот кој минатиот понеделник се разбуди на црната листа на САД за случај со значителна корупција и директна вмешаност во судски скандал со мито и корупција е во бегство и на Косово, лично Груби пиша и потврди на Фејбук дека е на Косово во наводна приватна посета, демантирајќи дека избегал.

-Веднаш штом ги завршам обврските, ќе се вратам дома кај моето семејство, напиша Груби.

Сепак, останува неизвесно дали навистина ќе биде така.