Христос воскресна! Православните верници денеска го слават Велигден!

Денеска е Велигден, еден од најголемите христијански празници.

Православните верници денеска го слават овој празник според Јулијанскиот календар – воскресението на Исус Христос.

Велигден е празник кој го слави враќањето на Исус во живот – воскресението.

Според христијанското верување, тоа се случило на третиот ден по неговата смрт, вклучувајќи го и денот на неговата смрт, т.е. првата недела по Велики петок. Тоа е менлив празник. За источните христијани, Велигден може да се падне најрано на 4 април и најдоцна на 8 мај, а за западните христијани секогаш е помеѓу 22 март и 25 април.