Економија
Денеска електронска аукција за универзален снабдувач на струја за домаќинствата
Електронска аукција на која услов за добивање на тендерот за избор на нов универзален снабдувач со електрична енергија е да се понуди профитна маржа пониска од 11,5 отсто, колку што изнесува маржата на досегашниот универзален снабдувач ЕВН хоум, денеска ќе се одржи во Скопје.
За повикот покрај постојниот универзален снабдувач интерес појави и грчката ЕДС – Енерџи деливери солушнс, која е фирма ќерка на грчкото електростопанство ППЦ.
На универзалниот снабдувач ЕВН хоум на 30 јуни му истекува петгодишниот договор за снабдување со електрична енергија на потрошувачите на регулираниот пазар. Владата лани на 11 декември објави јавен повик за избор на нов универзален снабдувач што ќе треба во наредните пет години, почнувајќи од 1 јули 2024 година да ги снабдува со електрична енергија потрошувачите на регулираниот пазар.