Македонија не договори цена за струја од Бугарија

Не постигнат договор за цената на струјата што Бугарија треба да ја извезува во Македонија, објави БНР. Скопје очекува да добие пониска цена за најмалку 15 проценти од онаа на берзата, односно помалку од 400 евра за мегават час.

Работните групи повторно ќе се сретнат следната недела.

Премиерите Галаб Донев и Димитар Ковачевски на 5 септември се договорија да ѝ помогнат на Македонија со електрична енергија за околу 5 гигавати дневно.

„Државните претпријатија во Северна Македонија, кои се соочуваат со банкрот поради високите сметки, очекуваат струја од Бугарија“.