СЛУШАЈТЕ ВО ЖИВО

Политика

Партијата на пензионери бара усогласување на пензиите со порастот на просечната плата

Партијата на пензионери бара усогласување на пензиите со порастот на просечната плата и трошоците на живот.

Извршниот одбор на ПАРТИЈА НА ПЕНЗИОНЕРИ, на седница одржана на 12.11.2021 година, донесе одлука да иницира постапка, веднаш, заедно со донесување на Буџетот за 2022 година, да се отпочне со реализирање на ветувањето на премиерот Заев за усогласување на пензиите со порастот на просечната плата и порастот на трошоци на живот од 01.01.2022 година.

ПАРТИЈА НА ПЕНЗИОНЕРИ, во текот на изборната кампања за локалните избори во октомври о.г., во рамки на коалицијата предводена од СДСМ, се избори Премиерот Заев да го прифати предлогот пензиите освен со порастот на трошоците на живот и порастот на БДП, да се усогласуваат (зголемуваат) сразмерно и со порастот на просечната плата во земјата.

Очекувањата на пензионерите во земјата се ветувањето да биде исполнето. Поради тоа ПП, иако актуелните политички околности во земјата се усложнуваат, завзема став одлучно и веднаш да се заложи за реализирање на предлогот и донесување на потребната измена во Законот за ПИО. Реализирањето на оваа заложба за ПП е факт кој ќе го дефинира заклучокот како е третирана во рамки на владеечката коалиција и колку сериозно се пристапува кон реализирање на заеднички договорените пензиски политики.

Партија на пензионери не ја условува и нема да ја доведува во прашање соработката по стратешките определби на земјата во рамки на коалицијата, но нема да отстапи од програмските цели за подобрување на материјално-социјалниот статус на пензионерите и спречување на маргинализација и дискриминација заради возраст, дотолку повеќе што реализирањето на ваквото усогласување на пензиите е враќање на веќе стекнати права кои не ја нарушуваат стабилноста на Пензискиот фонд.

ПП во 2022 година, согласно со својата Програма, ќе поведе иницијатива за изнаоѓање одржливо решение за усогласување на минималните пензии со минималните плати, со цел да се овозможи дополнителна подршка на оваа најранлива група на пензионери.

Партија на пензионери

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Messenger icon
Пишете нѝ на Фејсбук!
error: Содржината е заштитена !!
Skip to content