СЛУШАЈТЕ ВО ЖИВО

Земјоделие

Млинарите и земјоделците во клинч околу цената на лебот

Асоцијацијата на земјоделци на Македонија смета дека не треба да се зголеми цената на лебот и на белите печива, како што бараат млинарите.

Претседателот на Асоцијацијата, Перо Стојкоски вели дека остро ќе се спротивстават зашто до крајот на јануари наредната година, за потребите имаат домашна пченица од 26 милиони килограми, откупена по 10, 5 денари за да се заштити домашниот стандард.

Пченицата речиси 80 насто е веќе откупена по цена од 10, 5 денари за килограм. Верувам дека е и исплатена, но, уште при откупот реагиравме дека цената на пченицата е ниска. Но, таа наша реакција не беше прифатена со објаснување дека имаме евтин и квалитетен леб. Имајќи предвид дека и ние сакаме да имаме евтин леб, ја прифативме таа цена од 10,5 денари за килограм. Откупот на пченицата заврши, сега веќе имаме најава за зголемување на цената на брашното, на лебот и на белите печива, но и за зголемување на цената на откупот на пченицата. Но прашуваме која пченица, која е веќе откупена. Во земјава немаме потреба за увоз на пченица до крајот на јануари наредната година. Дотогаш имаме наша пченица откупена по 10,5 денари и дотогаш не треба да се зголемува цената на лебот – вели Стојкоски.

Млинарите бараат да  се зголеми цената на лебот при откупена пченица по 10,5 денари за килограм.

Во земјава, како што објаснуваат од Асоцијацијата, се произведуваат околу 260 милиони килограми што се доволни до крајот на годинава.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Messenger icon
Пишете нѝ на Фејсбук!
error: Содржината е заштитена !!
Skip to content