Постигнат договор со винариите: 10 денари за Смедервка и 12 денари за Вранец
После дваипол часа преговори, постигнат е договор откупната цена за Смедервка да изнесува 10 денари и 12 денари за Вранец. На сите лозари кои предале грозје под овие цени, разликата ќе им биде надокнадена од страна на винариите.
Корекцијата на цените ќе стапи на сила веднаш, уште од вечерва.
Истотака, министерот Хоџа го реафирмираше ставот дека ќе продолжи дополнителната мерка од 2 денари директно за лозарите.
Откупот ќе продолжи да тече непречено. Очекуваме за една недела да имаме поголем откуп со што ќе се направи првичен пресек на откупените количини.
Министерот во договор со винариите вети дека ќе се откупи целата количина на произведено грозје и нема да остане ниту еден килограм неоткупен.