Протестен марш на ромите во Прилеп

Роми од прилепската населба Тризла со мирен протестен марш до градскиот базен го изразија револтот поради дискриминација. Деновиве тие не биле пуштени да ги користат услугите на овој спортско рекретивен објект. Ќе поднесат преставка до комисијата за спречување на корупцијата и судски процес.

По нивната реакција за оовој случај тврдат дека следниот ден од управата на спортско рекреативниот центар маркови кули им понудиле бесплатно користење на услугите на базенот.

Ден по инцидентот во петокот сопственикот на спортско-рекреативниот центар „Маркови кули” Борис Темоски ги отфрли сите инсинуации за дискриминација и нагласи дека станува збор за почитување на мерките и протоколот за заштита од ковид 19 при користење на услугите на Градскиот базен.