Проданоски им оддаде почит на сите работници кои придонесуваат за развој на Прилеп
По повод Меѓународниот ден на трудот, Први Мај, градоначалникот на Прилеп, Дејан Проданоски потенцира дека успехот и напредокот на заедницата зависи од трудот на работниците.”Тие се темел за развој на Општина Прилеп”, вели Проданоски во својата првомајска честитка.
– Ви го честитам денешниот празник, Меѓународниот ден на трудот – Први Мај, посветен на достоинството, правата и придонесот на работниците во креирањето на квалитетна заедница. Овој празник е потсетник дека секој успех на нашето општество се гради врз трудот, упорноста и посветеноста на луѓето кои секојдневно вложуваат енергија за подобро утре.
Секојдневно треба да им оддаваме признание на сите наши работници и оние од фабриките, и оние од канцелариите, училиштата, болниците, полињата и институциите. Почитувани, вашата работа е темелот на развојот на нашиот град. Од вас зависи нашиот напредок како општина и како држава, а наша должност, како избрани претставници, е да обезбедиме достоинствени услови за работа и плата соодветна на вложениот труд и знаење.
Нека овој ден биде инспирација за работничка солидарност и почит кон трудот.
Затоа, заедно, со работа и посветеност, да градиме подобра сегашност и подобра иднина за нашите генерации.
Ви посакувам здравје, напредок и успех во вашата работа и достоинствен труд!
Честит нека ни е Меѓународниот ден на трудот!- напиша на ФБ профилот, градоначалникот на Прилеп, Дејан Проданоски .