Крушево доби донација со која се решава проблемот со водоснабдувањето

Општина Крушево доби донација – пумпен агрегат, опрема со која се решава долготрајниот проблем на стабилноста во водоснабдувањето на градот. Донацијата од општествено одговорната компанија Окта ќе овозможи стабилно функционирање на водоснабдителниот систем и континуиран пристап до чиста вода, што директно го подобрува секојдневниот живот и квалитетот на живеење во заедницата.

„Ваквите примери на општествена одговорност се од огромно значење за локалниот развој и претставуваат вистински модел за соработка меѓу приватниот сектор и локалната самоуправа“, посочи градоначалникот Нико Чонески изразувајќи благодарност на средбата со главниот извршен директор на ОКТА, г. Димитриос Пасхос.

Крушево повеќе години се соочува со проблемот на застој и дефекти во работата на водоводните пумпи на системот за довод во градот.