На ден 13.02.2022 Недела во Прилеп, во организација на Џудо ФЕДЕРАЦИЈАТА на Македонија и техничка организација на ЏК Санкаку Прилеп, се одржа Семинар за лиценцирање на џудо тренери и џудо судии.
Семинарот го предводеше Г-ин Томе Јосифоски интернационален судија Б лиценца. Главна тема на семинарот беше разработка на новите правила во џудо спортот кои стапија на сила од оваа 2022 година.
Џудо Клубот Сеишин Прилеп зеде учество со вкупно 10 стручни лица од кои 4 судии и 6 тренери. Сите учесници се здобија со соодветни сертификати и лиценци за новата натпреварувачка година.
