Прилепската болница и понатаму СЕ СООЧУВА СО НЕДОСТИГ НА МЕДИЦИНСКИ КАДАР
Прилеп и натаму е меѓу водечките градови во земјава според бројот на заболени и починати од Ковид 19.
За два дена има 117 ново регистрирани седум починати или 85 од почетокот на пандемијата. На болничко лекување се 114, 64 во инфективното и новите ковид центри а 50 во дневната болница, информираат надлежните.
Шефот на кризниот штаб – градоначалникот доктор Илија Јованоски кој волонтерски е вклучен во лекувањето на болните и во организација на ковид центрите тврди дека со реорганизацијата сега нема долги чекање за добивање на дневна терапија. Но и натаму има недостиг од медицински кадар. За хоспитализираните во секој оддел се грижат по две сестри и два болничари, реално се потребни по тројца во смена а има недостиг и од лекари.
Искусни инфектолози и интернисти кои се во пензија а ги контактиравме јавно не сакаат да говорот, но велат дека ковид 19 го стави на респиратор македонското јавно здравство поради три причини.
30 години не доволно е инвестирано во кадари и опрема. Ако најмногу од починатите од ковид 19 претходно имале друга болест тоа покажува дека сме болна нација, а непочитувањето на мерките за заштита докажува дека немаме соодветна здравствена култура. Тие им забележуваат и на матичните лекари кои од страв од ковид 19 делат терапија по телефон и за тоа што не се вклучуваат во помош на секундарниот здравствен систем.