Марихуана, кокаин и нож најдени во автокамп покрај Охридското Езеро
Марихуана, кокаин, нож во автокамп покрај Охридското Езеро. Двајца скопјани биле приведени во одделни акции на полицијата.
Според информациите, вчера околу 17 часот, при преглед извршен во автокамп лоциран на брегот на Охридското Езеро, врз Д.А.(23) од Скопје, полициските службеници пронашле и одзеле кеса со марихуана и нож.
Д.А. е приведен во полициска станица и против него ќе биде поднесена соодветна пријава, велат од МВР.
Полицијата истот ден го привела и Ф.Б.(37) од Скопје.
„При преглед извршен во автокамп лоциран на брегот на Охридското езеро, полициски службеници од одделението за недозволена трговија со дрога при СВР Охрид, кај него пронашле и одзеле кокаин и марихуана. Дополнително, при претрес извршен по судска наредба во неговата камп приколка, пронајдена е кеса со марихуана“, велат од МВР.
По целосно документирање на настанот, против него ќе биде поднесена соодветна пријава.
