Здравје
Денеска започнува вакцинацијата на наставниците ангажирани за матурата
Од денеска започнува вакцинацијата и на наставниците кои ќе бидат ангажирани за полагање на Државната матура која започнува на 5 јуни.
Оваа група наставници е ставена во прироритетната листа за имунизација, имајќи предвид дека испитите ќе се полагаат со физичко присуство на учениците и наставниците, но и дека е потребно барем еден месец за стекнување на имунитет.
Дел од наставниците од скопје ќе бидат вакцинирани уште денеска во спортската сала „Борис Трајковски”, дел од наставниците од внатрешноста ќе треба да дојдат во главниот град, а за останатите е најавено дека ќе бидат вакцинирани во регионалните центри во спортските сали.
Од министерството за образование и наука велат дека очекуваат сите наставници да се јават на вакциналните пунктови и да ја примат вакцината во интерес на своето и на здравјето на учениците.