Прилепските комуналци во акција за чистење диви депонии

6

Иако овој пат води до едно од најпосетуваните светилишта од прилепчани, како и од бројните странски туристи, несовесни граѓани не бирале место па исфрлиле домашен комунален отпад, остатоци од стари кревети, градежен и електронски отпад, како и комерцијален отпад.

Денеска се чистеше и по обиколниот пат околу Градските гробишта каде беше исфрлен домашен отпад: јоргани, постелнини, керамички и пластичен отпад од домаќинствата.

Од прилепското јавно комунално претпријатие „Комуналец” апелираат до граѓаните да имаат коректен однос кон животната средина, да не го нагрдуваат визуелниот изглед на природата и да не ги загадуваат почвата и подземните води со исфрлањето отпад во околината на градот.

За секој вид отпад, граѓаните и бизнис-секторот да се информираат и обраќаат на телефоните на јавното комунално претпријатие.

Во зависност од временските услови, прилепски „Комуналец” продолжува со чистењето на дивите депонии. Неделава е во план да се чистат неколку диви депонии по патот до викенд-населбата Маркова чешма.

Може ќе Ви се допадне

Веб страницата користи *колачиња со цел да овозможи и креира подобро корисничко искуство за нашите посетители. Прифаќам Повеќе

Skip to content