СЛУШАЈТЕ ВО ЖИВО

Земјоделие

Земјоделци од Струмичко ги фрлаат пиперките на буниште (ВИДЕО)

Заврши бербата на отворено на пиперката „ајварка“ во Струмичко, а за некои производители заврши и откупот. Незадоволни од откупните цени дел од нив, чекајќи подобра цена, решија дел од своето производство да го фрлат на буниште.

Откупните цени се исти со ланските, а цените на нафтата, на вештачкото ѓубриво и на други репроматеријали се многу поразлични од ланските.

На социјалните мрежи се појави видео снимка во групата „Земјоделие“ во кое се прикажува како се исфрлаат неколку тракторски приколки со ајварски пипер. Сопственикот на овие 4 тона фрлени пиперки вели дека седум дена чекал за откуп на овие пиперки, но не ја добил посакуваната цена, па тие почнале да скапуваат и тој решил да ги фрли.

Дел од земјоделците своето производство почнаа да го нудат и на фејсбук, но нема интерес. И правењето ајвар е многу поскапено, ако се знаат цените на зејтинот, на дрвата… Ако порано се купувале вреќи со „ајварка“, годинава продажбата на пазарите оди по килограми.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Skip to content