„Xiaomi“ испорача рекордни 46,6 милиони смарфони и стана трет по големина бренд за паметни телефони во светот

Бројот на испорачани телефони е поголем за 45,3% во споредба со истиот период од минатата година, а според глобалниот извештај за испорака на смартфони на компанијата „Canalis“, „Xiaomi“ сега е третиот по големина бренд на паметни телефони во светот со 13,5% удел на пазарот.

Вкупните приходи се искачија на 10,9 милијарди долари, што е за 34,5% повеќе од истиот период од минатата година. Нето добивката достигна 621 милиони долари. Просечната продажна цена (ASP) на телефоните „Xiaomi“ се искачи на 155 долари по единица, предводена од продажбата на водечките телефони „Mi“ во третиот квартал од 2020-та година.

Приходите надвор од Кина се искачија на 6,03 милијарди долари, што е за 52,1% повеќе од претходната година. Приходите од „AIoT“ се искачија на 2,7 милијарди долари, што е за 16,1% повеќе од третиот квартал од 2019-та.