Facebook Dating конечно достапен во Европа

Требаше да дебитира уште во февруари за Денот на вљубените, но тоа се случи дури сега. Дејтинг сервисот нуди исти можности и во Европа како и во САД, а ќе го користи постоечкиот профил на корисникот на Facebook за пронаоѓање на потенцијални партнери.

Оваа опција ќе ви помогне да најдете личност којашто ја интересираат исти работи како вас според работите коишто ви се допаѓаат, групите во кои членувате, како и настаните на коишто ќе присуствувате.

Сервисот се појавува само како таб на апликацијата Facebook. Профилот може да повлекува фотографии од Instagram, a може да се воспостават и видеоповици од прозорецот за разговор.