Манасиевски: Со што е уценет Филипче за да направи ново предавство на Македонија?

Гледајќи низ призмата на историјата, најголемите предавства ги има направено СДС. Од менување на име, знаме, Устав, за денес повторно СДС да се спремни за ново предавство на чело со Филипче, вели Валентин Манасиевски, портпарол на ВМРО-ДПМНЕ.

-Овој пат не било какво предавство туку најстрашното за македонскиот народ, а тоа е редефинирање на историјата, негирање на јазикот и идентитетот. Се она што сме го учеле и пренесувале од колено на колено, Филипче и СДС се спремни да го променат. Филипче и СДС утре би потпишале дека постоиме од 1945 година. И без разлика на тоа што конечно ЕУ не гледа како достоинствена држава, со напредна економија, која е сериозна во намерите да успее во реформите и да биде пример во регионот, Румен Радев, Венко Филипче и СДС повикуваат на уставни измени. За Радев ни е јасно, меѓутоа со што е уценет Филипче за да води таква политика? – посочи портпаролот.

Наместо да застане во одбрана на македонските интереси, тој ги распродава.

-Почитувани граѓани, добро е да се потсетиме зошто СДС и Филипче се во опозиција. Затоа што одат по стапките на Заев. Затоа рејтингот им е колку една шака и ќе бидат декласирани на следни избори, вели Манасиевски.