Трикратната „Греми“ лауреатка Сесил Меклорин Салвант вечерва во отвора 43. Скопски џез фестивал

Една од најдобрите светски вокалистки на нашето време, Сесил Меклорин Салвант вечерва во 20 часот во Националната опера и балет во Скопје ќе го отвори Скопски џез фестивал. Супериорно најдобрата и популарна џез-пејачка во светот, трикратната „Греми“ лауреатка ќе настапи со нејзиниот блескав квартет во кој, меѓу другите, членува и еден од водечките американски џез-пијанисти, Саливан Фортнер.

Опишана од Џеси Норман како „уникатен глас поткрепен со интелигенција и апсолутна музикалност“, Салвант се прослави со својата способност да откопува заборавени песни, оживувајќи ги со силни наративи, неочекувани пресврти и богата емоционална длабочина. Концертите на Сесил Меклорин Салвант се неповторливи доживувања, во кои таа покажува неверојатно чувство и талент за раскажување приказни.

Во 23 часот во Младинскиот културен центар ќе настапи македонскиот состав Next to Silence, a ќе му биде врачена и наградата за најдобар млад џез музичар на Кирил Кузманов.

Повеќе за програмата на фестивалот, на следниот ЛИНК.