Денеска стабилизирање на времето, од петок нови врнежи од дожд

Сончево со мала до умерена облачност и со слаб до умерен ветер претежно од југозападен правец. Во текот ноќта ќе има услови за локален дожд.

Минималната температура ќе биде во интервал од 9 до 17, а максималната ќе достигне од 22 до 30 степени.

Во Скопје сончево со мала до умерена облачност и со слаб до умерен југозападен ветер. Минималната температура ќе се спушти до 14, а максималната ќе достигне до 29 степени.

Ќе настапи преодно стабилизирање на времето, а од петок се очекуваат нови врнежи од дожд и локална појава на грмежи и засилен ветер. Во петок и особено во сабота ќе засилува југозападен ветер, а потоа со северен ветер се очекува позначително опаѓање на температурата.