Индекс.хр: Косовскиот премиер погрешно реши математичка равенка пред новинарите (Видео)

„Ви благодарам за топлото добредојде во вашата нова училишна зграда. Но, морам да кажам дека ми е мило што сега веќе не сум ученик, бидејќи немаше да добијам преодна оценка“, напиша Курти на Фејсбук. Курти се огласи откако видеото на кое не успева да ја реши задачата стана вирално на социјалните мрежи.

„Да размислував малку повеќе, ќе сфатев“

На видеото се гледа како премиерот на Косово лежерно решава математичка равенка на таблата за време на отворањето на новото училиште во Подуево, на североистокот на Косово. Откако Курти самоуверено ја заврши математичката равенка, сите во просторијата аплаудираа, а на тоа се вклучи и министерката за образование Арберие Нагавци.

Меѓутоа, Курти дошол до погрешно решение. Неговото решение беше x=5, но всушност требаше да биде x=0, пишува „Politico“.

„Да размислував подолго за тоа, ќе сфатев дека точниот одговор е x=0, но во тој случај, мислам дека немаше да имам храброст да ја земам кредата и да го напишам точното решение. Се извинувам, решението на таа равенка, како што знаете подобро од вашиот премиер, е x=0“, заклучи Курти.

Извор: Индекс.хр