Полицијата уапси маж во Штавица кој предизвикал пожар

МВР извести дека вчера во прилепското село Штавица е уапсен Г.К.(54) поради сомнение дека предизвикал пожар.

Околу девет часот тој запалил сува трева во дворното место од неговата куќа, по што пожарот се проширил на соседните парцели. Г.К. бил затекнат од полициски службеници при гаснење на пожарот и во службен разговор го признал делото.

Пожарот бил изгаснат од полициските службеници, а повредени лица нема. Увид бил извршен, а лицето било приведено во полициска станица.

По целосно документирање на случајот против него ќе биде поднесена пријава за сторено кривично дело „предизвикување општа опасност“.