ЕВРОВИЗИЈА ВО БИТОЛА, ПОЧНУВА ФЕСТИВАЛОТ НА МОНОДРАМА СО „ГЛУМЦИТЕ ПЕАТ“

Фестивалот на монодрама го одбележува своето 25-то издание во Битола под слоганот „Слободата живее тука“.

Свеченото отворање е вечерва со музичкиот спектакл „Глумците пеат“, манифестацијата која за првпат ќе се случи во Битола.

Темата е Еврозвизија, а како што во интервју за Тера рече директорката на Центарот за култура, Маја Андоновска-Илијевски ќе има и гласање за Песна на евровизија.

Интересот за овој настан бил голем, а тоа го зборува и фактот што е распродадена целата сала, односно билети веќе нема.

Многу глумци ќе запеат на големата сцена во Битола.

Фотографиите се преземени од страницата на Фејзбук на Центарот за култура-Битола.9