Потребна ни е акција против корумпираните судии, вели Црвенковска
На тркалезната маса „Програма за превенција и следење на корупцијата во судството”, Црвенковска потсети дека голем дел од граѓаните немаат доверба во судскиот систем затоа што знаат, мислат или почувствувале на своја кожа дека некои судии се корумпирани.
„Тоа го срозува судството и не смее да нѐ остави неми посматрачи на ваквиот процес”, нагласи таа и се заложи без исклучок, правдата да мора да произлезе од фактите и доказите низ транспарентна и фер постапка со пресуди ослбодени од секаков вид влијанија, „вклучително и на оние од центрите на моќ кои со корупција ја загрозуваат правдата“.
