СЛУШАЈТЕ ВО ЖИВО

Политика

ССМ повикува на штрајк на 22 јуни

Сојузот на синдикатите на Македонија (ССМ) најавува штрајк во јавниот сектор за 22 јуни доколку до 21 јуни не се исполнат барањата чија цел е заштита на економските и социјалните права на членовите на Синдикатот и на вработените во јавниот сектор.

Од ССМ соопштија дека штрајкот се организира за заштита на економските и социјалните права и остварување на следните барања од работен однос – склучување на Општ колективен договор за јавен сектор со утврдено зголемување на платите на вработените во јавниот сектор за 2.806 денари во нето износ, согласно зголемувањето на минималната плата објавена во службен весник од 24 февруари 2022 година и утврдено право на регрес за годишен одмор во висина од 30 до 100 проценти од основицата.

Како што велат оттаму, одлуката за повикување и поведување на штрајк заедно со писмена најава за штрајк е доставена до Владата, Собранието и градоначалниците во насока на писмено најавување на штрајкот согласно Законот за работните односи.

Согласно Одлуката, како што додаваат, во штрајк стапуваат вработените во јавниот сектор, на 22 јуни, а штрајкувачите ќе штрајкуваат на своите работни места. Не се исклучува можноста штрајкот да се одвива и преку изразување на разни форми на работничкото незадоволство и синдикален притисок.

„Потсетуваме дека Сојузот на синдикатите на Македонија уште на 29 јуни година до Владата и претседател на Влада достави предлог општ колективен договор за јавниот сектор, а од страна на Владата, КПВРСМ бевме информирани дека во насока на реализација на нашите заложби, дописот со предлогот е доставен на натамошно надлежно постапување до МТСП. Иако се одржаа неколку состаноци по однос на предлогот на ССМ за нов Општ колективен договор за јавниот до склучување не дојде“, посочија од ССМ.

ССМ смета дека доколку се изгласа ребалансот на буџетот без да се предвидат средства за зголемување на платите во јавниот сектор во тој случај нема да може да се постапи согласно закон и ќе нема средства за усогласување на платите на вработени во јавниот сектор ниту од 1 јули како што е барањето на ССМ, ниту во Законскиот рок за усогласување на платите.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Messenger icon
Пишете нѝ на Фејсбук!
error: Содржината е заштитена !!
Skip to content