Технологија
Повеќе од 4,6 милијарди луѓе користат социјални мрежи
Корисниците на социјалните мрежи просечно минуваат два часа и 27 минути дневно во комуникација и пребарување на содржини, покажало истражувањето на "Global WebIndex", пренесува "Smartinsights.com".
Дури 58,4 проценти од светската популација, односно 4,62 милијарди луѓе користат социјални мрежи, од кои 424 милиони се нови корисници регистрирани во последната година.
Жените се малцинство кога станува збор за користењето на социјалните мрежи и сочинуваат 46,1 проценти од корисниците, наспроти 53,9 проценти мажи.
“Facebook” и натаму е најпопуларна социјална мрежа, додека на второ и трето место се наоѓаат “Youtube” и “WhatsApp”.
Најголем број корисници на социјалните мрежи има во северна и западна Европа, дури 85 проценти од вкупната популација на тој регион, додека најмал интерес за социјалните мрежи имаат корисниците од централна Африка.
