Гранде Пандев: На 19-ти сите на хуманитарен концерт во Прилеп
Горан Пандев преку видео порака на социјалните мрежи, повика на масовно присуство на големиот хуманитерен концерт за малиот Дејан Најдоски, кој ќе се одржи на 19.03. во Универзалната сала во Прилеп.
На концертот како што е познато ќе настапи мега познатата балканска ѕвезда Жељко Самарџиќ, а картите се во продажба на неколку локации во градот по цена од 300 денари.
Малиот Дејан Најдоски од Прилеп кој има аутизам, досега успешно помина повеќе третмани со матични клетки во болница во Турција.
За подобрување на неговото здравје, на Дејан и понатаму му сме потребни. За таа цел во Прилеп на хуманитарен концерт пристигнува и мега популарната балканска ѕвезда Жељко Самарџиќ.
Концертот е закажан за 19.03. со почеток од 20ч. во Универзалната сала во Прилеп, каде Самарџиќ ќе настапи заедно со македонските изведувачи Јоце Панов и супер талентираниот прилепчанец Филип Николоски.
Картите се веќе во продажба на следните локации: “Ла Страда”, “Кафе Оникс”, слаткарница “Дизниленд трејд”, парфимерија “Дива” и “Кафе Пулс”, и се по цена од 300 денари.
