СЛУШАЈТЕ ВО ЖИВО

Локално

13-годишниот Марко Ристески го фати cветиот кpcт во Прилеп

За разлика од претходните години, кога празникот Богојавление Водици се одбележуваше во некој од базените во градот, годинава се одбележа во дворот на црквата Св. Благовештение, каде крстот беше фрлен во фонтаната.

Среќниот Марко Ристески рече дека неизмерно е радосен и очекува него и семејството да ги следи среќата оваа година.

Тринаесет годишниот Марко Ристески е среќникот кој го фати Светиот крст на Богојавление Водици од базенот во дворот на прилепската црква „Свето Благовештение”. Дванаесет деца учествуваа на традиционалното положување и фаќање на крстот во дворот на Црквата.

Среќниот Марко Ристески рече дека неизмерно е радосен и очекува него и семејството да ги следи среќата оваа година.

-Многу сум возбуден. Првпат учествувам, и ете, среќен сум што го фатив крстот. Чувството е посебно. Посакувам здравје, среќа во оваа година. Се надевам дека јас и моето семејство ќе го имаме сето тоа, а и на училиште ќе ми биде добро, рече Ристески.

Прилепскиот градоначалник Борче Јовчески на сите прилепчани им посака здравје и среќа, посебно на малиот Марко, а општината го дарува со златен крст.

-За многугодини да е празникот. На сите сограѓани им посакувам здравје и среќа, посебно на Марко Ристески кој годинава беше среќникот. Се надевам дека догодина ќе имаме можност помасовно, побезбедно да го прославиме Богојавление Водици, рече Јовчески.

Традицијата за Водици, сепак, привлече голем број прилепчани да се најдат на утринската литургија и пред црквата „Свето Благовештение” и да земат од осветената вода за здравје.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Messenger icon
Пишете нѝ на Фејсбук!
Skip to content